"Манчестер Юнайтед" мавсумни муваффақиятсиз ўтказди, уни Европа Лигаси финалидаги ғалаба қутқариши мумкин эди, аммо бу содир бўлмади. Демак, клуб Чемпионлар лигасининг навбатдаги мавсумини ҳам ўтказиб юборади.
Бундан ташқари, бу Adidas томонидан молиявий санкцияларга олиб келади - шартномага кўра агар жамоа ЕЧЛга чиқолмаса 10 миллион фунт стерлинг жарима кўрсатилган. Бу шундоқ ҳам "молиявий оптималлаштириш" доирасида ходимларни ишдан бўшатаётган "Манчестер Юнайтед"нинг молиявий аҳволини яхшиламаслиги аниқ.
Эслатиб ўтамиз, "Манчестер Юнайтед" сўнгги бор 2013 йилда - Алекс Фергюсон билан сўнгги мавсумда Англия чемпиони бўлганди.
