Мадриднинг "Реал" клуби вингери Родриго Бразилия терма жамоасининг навбатдаги йиғинини ўтказиб юборади.
5 ва 10 июнь кунлари "пентакампеонлар" Карло Анчелотти бошчилигидаги илк ўйинларини ўтказишади - рақиблар мос равишда Эквадор ва Парагвай бўлади. Журналист Тати Мантованининг сўзларига кўра, Родриго йиғинни ўтказиб юборади - у жисмонан ва руҳан чарчаган. Қарор яқин кунларда ўз вазифасини бажаришга киришадиган Анчелотти билан аллақачон келишилган.
Италиялик мураббий Родриго билан 2021 йилдан буён "Реал"да ишлаб келаётган эди.
Кўплаб миш-мишларга кўра, келаётган ёзда 24 ёшли футболчи клубини ўзгартириши мумкин. Асосий даъвогар сифатида Лондоннинг "Арсенал" клуби кўрилмоқда.
