"Ан-Наср" ҳужумчиси Криштиану Роналду тез орада клубини ўзгартириши мумкин.
40 ёшли футболчининг июнь ойи охирида тугайдиган амалдаги шартномаси ҳали ҳам узайтирилмаган. Журналист Абдулраҳмон Абауднинг ёзишича, "Ал-Ҳилол" португалиялик юлдуз билан шартнома имзолаш масаласини жиддий ўрганмоқда, аммо ҳозирча якуний қарорга келинмаган. Вазият бир ҳафта ичида ойдинлашади.
Криштиану Роналду 2023 йил бошидан бери "Ан-Наср" шарафини ҳимоя қилмоқда. Яқинда ФИФА раҳбари Жанни Инфантино ҳужумчи бўлажак клублар ўртасидаги жаҳон чемпионати иштирокчилари билан музокаралар олиб бораётганини маълум қилди. "Ал-Ҳилол" Саудия Арабистонининг турнирдаги ягона вакили ҳисобланади.
