Бунгача "Манчестер Юнайтед"ни бошқарган нидерландиялик мутахассис Эрик тен Хаг Германия Бундеслигасида иш бошлашга яқин турибди. Бу ҳақда инсайдер Фабрицио Романо ўзининг ижтимоий тармоқлари орқали хабар бермоқда.
Манбага кўра, нидерландиялик мутахассис Леверкузеннинг "Байер" клуби бошқарувида Хаби Алонсо ўрнини эгаллайди. Испаниялик "доришунослар"ни тарк этиб, Мадриднинг "Реал" клубига ўтади. Тен Хаг аллақачон "Байер" билан меҳнат шартномасини келишиб олган.
Томонлар ўртасидаги шартнома 2027 йилнинг ўрталарига қадар мўлжалланган. Келишув расман эртага, 26 май куни эълон қилиниши керак.
Германия чемпионатининг ортда қолган мавсумида Леверкузен жамоаси иккинчи ўринни эгаллаган эди.
