Ярим ҳимоячи Никола Залевски фаолиятини "Интер"да доимий асосда давом эттиради.

Tuttosport нашри тарқатган хабарга кўра миланликлар раҳбарияти "Рома" билан 23 ёшли польшалик хавбекни 6,5 миллион еврога сотиб олиш бўйича келишувга эришган.

Футболчи миланликлар сафида 2025 йилнинг февралидан буён ижара асосида тўп тепиб келмоқда. Унинг шартномаси мавсум охиригача мўлжалланган, аммо "Интер" футболчини доимий равишда сотиб олишга қарор қилган. "Интер"даги фаолияти давомида Залевски 14 та ўйинда майдонга тушиб, битта гол урган ва битта голли узатмани амалга оширган.