"Атлетик" устози Эрнесто Вальверде илк бор Нико Уильямснинг "Барселона"га ўтиши билан боғлиқ миш-мишлар ҳақида гапирди.

Басклар клуби бош мураббийининг сўзларига кўра, Бильбаодагилар 22 ёшли вингерни камида келаси мавсумга сақлаб қолишмоқчи.

"У биз билан қолишига умид қиламиз. Мавсум якунида ҳар доим кўп гап-сўзлар бўлишини тушунамиз, аммо бугунги кунда у бизнинг ўйинчимиз ва биз унинг ишидан мамнунмиз. Ишончим комилки, у ҳам жамоада ўзини яхши ҳис қилади. Умид қиламанки, кейинги мавсум у учун ажойиб бўлади," - дея Вальверденинг сўзларини келтиради Sport.es.