"Atletik" ustozi Ernesto Valverde ilk bor Niko Uilyamsning "Barselona"ga o‘tishi bilan bog‘liq mish-mishlar haqida gapirdi.

Basklar klubi bosh murabbiyining so‘zlariga ko‘ra, Bilbaodagilar 22 yoshli vingerni kamida kelasi mavsumga saqlab qolishmoqchi.

"U biz bilan qolishiga umid qilamiz. Mavsum yakunida har doim ko‘p gap-so‘zlar bo‘lishini tushunamiz, ammo bugungi kunda u bizning o‘yinchimiz va biz uning ishidan mamnunmiz. Ishonchim komilki, u ham jamoada o‘zini yaxshi his qiladi. Umid qilamanki, keyingi mavsum u uchun ajoyib bo‘ladi," - deya Valverdening so‘zlarini keltiradi Sport.es.