Якшанба куни "Арсенал" мавсумнинг сўнгги ўйинини сафарда "Саутгемптон"га қарши ўтказади. Келгуси ҳафтада эса лондонликлар бош мураббийи Микель Артета клуб раҳбарлари билан учрашув ўтказади. Томонлар жорий мавсумни таҳлил қилиб, клубнинг совринсизлигига барҳам бериш режасини ишлаб чиқади. Бу ҳақда The Standard ўз саҳифаларида маълум қилди.

Катта эҳтимол билан "Арсенал" Премьер-лигада иккинчи ўринни эгаллайди, аммо математик жиҳатдан лондонликлар ҳали ҳам учинчи ўринга тушиб кетиши мумкин. Чемпионлар Лигасида "канонирлар" ярим финалга қадар етиб бориб, "ПСЖ"га имкониятни бой бериб қўйди.