Yakshanba kuni "Arsenal" mavsumning so‘nggi o‘yinini safarda "Sautgempton"ga qarshi o‘tkazadi. Kelgusi haftada esa londonliklar bosh murabbiyi Mikel Arteta klub rahbarlari bilan uchrashuv o‘tkazadi. Tomonlar joriy mavsumni tahlil qilib, klubning sovrinsizligiga barham berish rejasini ishlab chiqadi. Bu haqda The Standard o‘z sahifalarida ma’lum qildi.
Katta ehtimol bilan "Arsenal" Premyer-ligada ikkinchi o‘rinni egallaydi, ammo matematik jihatdan londonliklar hali ham uchinchi o‘ringa tushib ketishi mumkin. Chempionlar Ligasida "kanonirlar" yarim finalga qadar yetib borib, "PSJ"ga imkoniyatni boy berib qo‘ydi.
