Килиан Мбаппе 2024/25 йилги мавсум учун “Олтин бутса”ни олади.

“Реал” ҳужумчиси жорий мавсум Ла Лигада 31 та гол урди. У Европанинг энг яхши тўпурарлари рейтингида биринчи ўринда туради.

Мбаппе 38-тур доирасидаги "Реал Сосьедад"га (2:0) қарши ўйиндаги дубли эвазига 62 очко тўплади ва "Спортинг" ҳужумчиси Виктор Гёкерешни (39 гол, 58,5 очко) ортда қолдирди.

“Ливерпуль” вингери Муҳаммад Салоҳ бугун Килиандан ўзиб кетиш имкониятини бой берди. У АПЛнинг 38-турида “Кристал Пэлас”га қарши баҳсда рақиб дарвозасини ишғол қилган (1:1), аммо 29 гол ва 58 очко билан учинчи ўринни эгаллади.