"Барселона" ярим ҳимоячиси Педри якунланган мавсумдаги ўйини ҳақида гапирди. Якшанба куни 22 ёшли футболчи “кўк-анорранглилар”га Ла Лига сўнгги ўйинида “Атлетик” клубини мағлуб этишга ёрдам берди (3:0).

Педри жорий мавсумда жамоанинг 59 учрашувида, жумладан, Испания чемпионатининг 37 учрашувида иштирок этган.

"Аввал бўлиб ўтган воқеаларни инобатга олсам, 60 та ўйиндан 59 тасида ўйнашимни тасаввур қила олмасдим. Яхши тайёргарлик кўрдим, жароҳатлар олдимдан ўтиб кетди ва шу туфайли ўйиндан завқ олдим", - дейди Педри.

“Барселона” 88 очко жамғариб, “Реал”ни 4 очкога ортда қолдириб, Ла Лига ғолибига айланди.