"Barselona" yarim himoyachisi Pedri yakunlangan mavsumdagi o‘yini haqida gapirdi. Yakshanba kuni 22 yoshli futbolchi “ko‘k-anorranglilar”ga La Liga so‘nggi o‘yinida “Atletik” klubini mag‘lub etishga yordam berdi (3:0).

Pedri joriy mavsumda jamoaning 59 uchrashuvida, jumladan, Ispaniya chempionatining 37 uchrashuvida ishtirok etgan.

"Avval bo‘lib o‘tgan voqealarni inobatga olsam, 60 ta o‘yindan 59 tasida o‘ynashimni tasavvur qila olmasdim. Yaxshi tayyorgarlik ko‘rdim, jarohatlar oldimdan o‘tib ketdi va shu tufayli o‘yindan zavq oldim", - deydi Pedri.

“Barselona” 88 ochko jamg‘arib, “Real”ni 4 ochkoga ortda qoldirib, La Liga g‘olibiga aylandi.