25 май куни "Рома"нинг 36 ёшли ҳимоячиси Матс Хуммельс хайрлашув учрашувини ўтказди - сўнгги турда римликлар "Торино"ни мағлуб этишди (2:0).

"Мен ҳали ҳам нимани ҳис қилаётганимни аниқ билмайман - қувонч, қайғу, ҳис-туйғулар денгизи. Мавсумдаги қийинчиликларга қарамай, Европа Лигаси йўлланмасини қўлга киритганимиздан жуда мамнунман. Бу мен учун қийин стартдан сўнг муносиб якун бўлди," - дея тан олди Хуммельс DAZN билан суҳбатда.

2024/25 йилги мавсумда германиялик ҳимоячи "Рома" сафида 20 та ўйинда майдонга тушиб, битта гол урди. У фаолиятини мавсум охирида якунлашга қарор қилганини апрель ойида эълон қилганди.