"Манчестер Сити" ҳужумчиси Эрлинг Холанд АПЛ сўнгги туридан ўрин олган "Фулхэм"га (2:0) қарши ўйиндан сўнг мавсумни сарҳисоб қилди.
"Шаҳарликлар" учинчи ўринни эгаллади ва Чемпионлар Лигаси йўлланмасини қўлга киритди.
"Ҳар мавсумда Премьер-лигада ғалаба қозонишнинг иложи йўқ. Бизгача ҳеч ким кетма-кет тўрт марта ғалаба қозонмаган. Ҳозир биз учинчи бўлдик, аммо бунгача клубда саккизта чемпионликдан олтитаси бор эди. Агар мен "Сити" мухлиси бўлганимда, шикоят қилмаган бўлардим. Мен яна АПЛда ғолиб бўлишимизни истардим, лекин буни ҳар йили қилиб бўлмайди. Кейинги сафар биз яхшироқ ўйнаш учун қўлимиздан келганини қиламиз," - деди Холанд BBC'га берган интервьюсида.
