Франциялик ҳимоячи Тео Эрнандеснинг келажаги ҳақида миш-мишлар кўп, аммо бу "Милан" билан шартномани узайтириш билан боғлиқ эмас. Катта эҳтимол билан у клубни тарк этади, Теонинг эҳтимолий манзиллари орасида Саудия Арабистони ҳам тез-тез тилга олинмоқда. Хусусан, унга "Ал-Ҳилол" қизиқиш билдирмоқда. Бироқ Теонинг ўзи ҳозирча фақат "Милан" ҳақида гапиради.
"Биз ўз мақсадларимизга эриша олмаган жуда қийин мавсум якунланди. Ҳозир тикланиб, жамоани керакли жойга қайтариш керак. Қўллаб-қувватлаган мухлисларга раҳмат," - дея Эрнандеснинг сўзларини келтиради pianetamilan.it.
Италия А Сериясининг якунланган мавсумини "Милан" фақатгина саккизинчи ўринда якунлади.
