Қанот ҳимоячиси Майкл Кайоде "Фиорентина"дан "Брентфорд"га доимий асосда ўтади. Бу ҳақда инсайдер Фабриқио Романо хабар бермоқда.
Манбага кўра, "асаларилар" январь ойидан бери Англияда ижара асосида тўп тепаётган 20 ёшли италияликни сотиб олиш имкониятини фаоллаштирган. Таъкидланишича, трансфер қиймати 17,5 млн еврони ташкил қилади.
"Брентфорд" таркибида Кайоде барча мусобақаларда 12 та учрашувда майдонга тушиб, битта ассистни ўз ҳисобига ёздириб қўйди.
Мавсум якунларига кўра, "Брентфорд" Англия премер-лигаси турнир жадвалида 56 очко жамғариб, ўнинчи ўринни эгаллади.
