Qanot himoyachisi Maykl Kayode "Fiorentina"dan "Brentford"ga doimiy asosda o‘tadi. Bu haqda insayder Fabriqio Romano xabar bermoqda.

Manbaga ko‘ra, "asalarilar" yanvar oyidan beri Angliyada ijara asosida to‘p tepayotgan 20 yoshli italiyalikni sotib olish imkoniyatini faollashtirgan. Ta’kidlanishicha, transfer qiymati 17,5 mln yevroni tashkil qiladi.

"Brentford" tarkibida Kayode barcha musobaqalarda 12 ta uchrashuvda maydonga tushib, bitta assistni o‘z hisobiga yozdirib qo‘ydi.

Mavsum yakunlariga ko‘ra, "Brentford" Angliya premer-ligasi turnir jadvalida 56 ochko jamg‘arib, o‘ninchi o‘rinni egalladi.