Италиянинг "Милан" клуби собиқ ярим ҳимоячиси Рууд Гуллит сўнгги икки мавсумни "Милан"да ўтказган ҳамюрти Тиджани Рейндерсни мақтамоқда.

"Мен унинг ривожланишидан жуда мамнунман. 3-4 йил олдин у ўғлим билан бир жамоада ўйнаган, Арне Слот уни иккинчи жамоага юборганида, Рейндерс жуда хафа бўлган. Лекин у жуда тез ўсди. У гол ҳисси билан кучли ўйинчи. Ўйлашимча, у кетганида бу "Милан" учун катта йўқотиш бўлади. У ғолибликка даъвогар клубда ўйнашни хоҳлайди," - дея Гуллитнинг сўзларини келтиради pianetamilan.it.

Эслатиб ўтамиз, Рейндерс катта эҳтимол билан "Манчестер Сити"га кетади.