"Ювентус" ҳужумчиси Душан Влаховични ҳамон клубни тарк этиши ҳақида хабарлар чиқмоқда.
Матбуотда "кекса синьора" боссларининг шартномаси келаси йилнинг ёзида тугайдиган ва узайтирилиши даргумон бўлган сербни сотиш нияти ҳақида анчадан бери гап-сўзлар юрибди.
Куни кеча Влахович мухлислар билан суратга тушаётиб, мухлислардан биридан "Ювентус"ни тарк этиши мумкинлиги ҳақида савол олди. "Буни мендан сўраш керак эмас," - дея форварднинг сўзларини келтиради Football Italia.
Душан Влаховичга Лондоннинг "Челси" ва "Арсенал" клублари қизиқиш билдирмоқда. Transfermarkt экспертлари 25 ёшли футболчининг нархини 45 млн еврога баҳоламоқда.
