"Лос-Анжелес" ҳужумчиси Карлос Вела профессионал футболдан кетишини эълон қилди.

"Лос-Анжелес" қурилишига ёрдам бериш ва клуб учун совринлар ютиш - фаолиятимнинг чўққиси. Бу клуб мен ва оилам учун жуда катта аҳамиятга эга ва мен "Лос-Анжелес"нинг буюк мухлислари билан эришган барча ютуқларимиздан фахрланаман. Саёҳатимнинг кейинги бобини шу ерда, "Лос-Анжелес"да бошлашдан хурсандман," - дея Вела сўзларини келтиради клуб матбуот хизмати.

35 ёшли мексикалик футболчи ўтказилган ўйинлар сони бўйича "Лос-Анжелес" рекордчиси ҳисобланади - 152 ўйин (11 194 дақиқа). Унинг ҳисобида 78 гол ва 59 ассист бор.

Вела бунгача "Арсенал," "Реал Сосьедад," "Вест Бромвич" ва "Сельта" клубларида ўйнаган. Унинг ҳисобида Ла Лигада 252 та, АПЛда 37 та ва Чемпионлар Лигасида 23 та ўйин бор.