Дарвозабон Грегор Кобель Дортмунднинг "Боруссия" клуби раҳбариятига клубда қолишини маълум қилди, деб хабар беради Bild. Футболчининг амалдаги шартномаси 2028 йилгача мўлжалланган.
Манбага кўра, 27 ёшли швейцариялик футболчига "Челси" даъвогарлик қилган.
"Боруссия" июнь ойида клублар ўртасидаги ЖЧ-2025да иштирок этади. "F" гуруҳида дортмундликлар Бразилиянинг "Флуминенсе," Жанубий Африканинг "Мамелоди Сандаунз" ва Жанубий Кореянинг "Ульсан Хёнде" жамоалари билан куч синашади.
2024/25 йилги мавсумда Кобель "Боруссия" сафида барча мусобақаларда 47 та ўйинда майдонга тушди ва 67 та гол ўтказиб юборди.
