Мадриднинг "Реал" клуби собиқ бош мураббийи Зинедин Зидан Лука Модрич ва Лукас Васкеснинг тез орада клубни тарк этиши ҳақида фикр билдирди.
Хорватиялик хавбек ва испаниялик ўнг қанот ҳимоячиси клублар ўртасидаги жаҳон чемпионатидан кейин жамоани эркин агент сифатида тарк этади.
"Лука, сен билан йўлларимиз туташганидан бахтиёрман, бу лаҳзаларни сен билан баҳам кўрганимдан хурсандман. Қандай футболчисан-а! Раҳмат," - деб ёзди Зидан ижтимоий тармоқда Модричга мурожаат қилиб.
"Ажойиб футболчи ва ўз ишига содиқ бўлган ҳақиқий профессионал. "Реал"даги эртагинг билан табриклайман, Лукас!" - дея Васкесга юзланди "қаймоқранглилар"нинг собиқ устози.
