"Манчестер Юнайтед" ҳужумчиси Маркус Рэшфорд келаётган ёзда "Барселона" сафига бориб қўшилиши мумкин.

27 ёшли англиялик футболчи 2024/25 йилги мавсумнинг иккинчи ярмида ижара асосида тўп тепган "Астон Вилла"да қолмайди. "Қизил иблислар" футболчини 40 млн еврога сотишга тайёр, бу ҳақда "Барселона" аллақачон хабардор қилинган, дея хабар бермоқда журналист Фабрицио Романо. "Кўк-анорранглилар" вакиллари аллақачон Рэшфорд билан боғланишган, дея таъкидлайди инсайдер Маттео Моретто ва форвард яқин трансферлар даврида Каталонияга кўчиб ўтиши ҳеч гап эмас. Футболчи спорт директори Деку ҳам, бош мураббий Ханс-Дитер Фликка ҳам ёқади.

Маркус Рэшфорд "Астон Вилла" сафида 17 та ўйинда 4 та гол урди ва 6 та голли узатмани амалга оширди.