"Manchester Yunayted" hujumchisi Markus Reshford kelayotgan yozda "Barselona" safiga borib qo‘shilishi mumkin.
27 yoshli angliyalik futbolchi 2024/25 yilgi mavsumning ikkinchi yarmida ijara asosida to‘p tepgan "Aston Villa"da qolmaydi. "Qizil iblislar" futbolchini 40 mln yevroga sotishga tayyor, bu haqda "Barselona" allaqachon xabardor qilingan, deya xabar bermoqda jurnalist Fabrisio Romano. "Ko‘k-anorranglilar" vakillari allaqachon Reshford bilan bog‘lanishgan, deya ta’kidlaydi insayder Matteo Moretto va forvard yaqin transferlar davrida Kataloniyaga ko‘chib o‘tishi hech gap emas. Futbolchi sport direktori Deku ham, bosh murabbiy Xans-Diter Flikka ham yoqadi.
Markus Reshford "Aston Villa" safida 17 ta o‘yinda 4 ta gol urdi va 6 ta golli uzatmani amalga oshirdi.













