"Барселона"нинг собиқ футболчиси Иван Ракитичнинг фикрича, Ламин Ямал йўлида юзага келиши мумкин бўлган муаммоларни бартараф этишга қодир.
Ҳозирча испаниялик учун барчаси деярли идеал тарзда кетмоқда: 17 ёшида у "Барселона"нинг асосий ўйинчиларидан бирига айланишга ва "Олтин тўп"га даъвогар бўлишга улгурди, шунингдек, Европа чемпионати, Ла Лига ва бошқа совринларни қўлга киритди.
"Қийинчилик пайтида Ямал ўзини қандай тутади? Уларни энг яхши йўл билан уддалайди. Унинг атрофида ажойиб муҳит бор, "Барса" унга ғамхўрлик қилади, хавотирга ўрин йўқ. Оғир кунлар келади - бу нормал ҳолат. Аммо шу вақтгача у шунчаки ўзи ҳақида қайғуриши, майдон ташқарисидаги ҳар қандай кўнгилсизликлардан қочиши ва ўзлигича қолиши керак," - дея Ракитичнинг сўзларини келтирмоқда испан ОАВ.
