"Бавария" ярим ҳимоячиси Жоау Палинья келажакдаги режалари билан ўртоқлашди.
Португалияликнинг Мюнхендаги биринчи мавсуми у даражада яхши бўлмади: футболчи камдан-кам ҳолларда асосий таркибда майдонга тушди, жароҳатлар ҳам халақит берди. Қийинчиликларга қарамай, 29 ёшли хавбек шартномаси муддати тугайдиган 2028 йилгача "Бавария"ни тарк этишни истамаслигини айтди.
"Мен "Бавария" билан амалдаги шартномамни охиригача клубда қолмоқчиман. Келажакда нима бўлишини билмайман, лекин кейин Португалияга қайтмоқчиман ва қайтаман. Мен "Спортинг"га устунлик бераман - бу менинг севимли клубим," - дея ҳимоячининг сўзларини келтиради Bayern & Germany.
Жоау Пальинья 2024 йилнинг июлида Англиянинг "Фулхэм" клубидан 51 млн евро эвазига "Бавария"га ўтганди.
