Миланнинг “Интер” клуби ва Бразилия терма жамоасининг собиқ ҳужумчиси Роналдо 2024/2025 йилги УEФА Чемпионлар Лигаси ғолиби ҳақида ўз фикри билан ўртоқлашди.
Эслатиб ўтамиз, мусобақанинг ҳал қилувчи баҳсида "нерадзуррилар" Франциянинг "ПСЖ" клубига қарши баҳс олиб боради. Ўйин 31 май куни Германиянинг Мюнхен шаҳрида бўлиб ўтади.
"Менинг башоратим шуки, "Интер" ғалаба қозонади, бу менинг мухлис сифатидаги фикрим. Клуб билан жуда яхши алоқадаман.
Мен улар билан кўп муҳим дақиқаларни бошдан кечирганман, шунинг учун иштиёқимни яшира олмайман.
"Интер" яна Чемпионлар лигасида ғалаба қозонса яхши бўлади", - дея Роналдонинг сўзларини келтиради Fcinter1908.it.
