"Челси" футболчиси Марк Кукурелья Конференциялар лигаси финали ҳақида фикр билдирди. Бугунги ўйинда унинг клуби "Бетис" билан куч синашади.
"Кўпчилигимиз учун бу биринчи финал, Европа кубогини ютиш учун биринчи имконият бўлади. Айтишимиз мумкинки, мавсум яхши ўтмоқда, лекин ҳар доим қийин лаҳзалар бўлади ва йилни соврин билан якунлаш ажойиб бўларди. Шунда "Челси" Европанинг барча совринларини қўлга киритган биринчи клубга айланади", - деди футболчи УEФА сайтига берган интервьюсида.













