"Chelsi" futbolchisi Mark Kukurelya Konferensiyalar ligasi finali haqida fikr bildirdi. Bugungi o‘yinda uning klubi "Betis" bilan kuch sinashadi.
"Ko‘pchiligimiz uchun bu birinchi final, Yevropa kubogini yutish uchun birinchi imkoniyat bo‘ladi. Aytishimiz mumkinki, mavsum yaxshi o‘tmoqda, lekin har doim qiyin lahzalar bo‘ladi va yilni sovrin bilan yakunlash ajoyib bo‘lardi. Shunda "Chelsi" Yevropaning barcha sovrinlarini qo‘lga kiritgan birinchi klubga aylanadi", - dedi futbolchi UEFA saytiga bergan intervyusida.













