Жозе Моуриньо "Фенербахче"да қолишни режалаштирмоқда.
"Кейинги мавсумда шу ерда қоламанми, деб сўрасангиз, "Фенербахче" президентининг бир неча ҳафта олдин телевизордаги сўнгги нутқини эслатиб қўяман, у менинг қолишимни хоҳлаётганини ва кейинги мавсумда ҳам шу ерда бўлишимни кутаётганини айтди.
Буни омма олдида айтишди, ҳаммаси шу. Менимча, бу аниқ. Агар ўша кундан бери бирор нарса ўзгарган бўлса, менга айтилмади. Тасдиқлашим мумкинки, бу сўзлар бизнинг учрашувимизда менга айтилган сўзлар билан бир хил эди. Демак, мен учун бу жуда аниқ ҳолат" - деди бош мураббий Туркия чемпионатида "Ҳатайспор"дан учралган мағлубиятдан сўнг (2:4).
"Фенербахче" президенти Али Коч Моуриньо "барқарорлик учун" клубда ишлашни давом эттиришини исташини айтди, шунингдек, португалиялик 36 миллион евролик таклиф олганини ва мавсум ўртасида жамоани тарк этиши мумкинлигини айтилганди, аммо у бу таклифни рад этди.
"Фенербаҳче" мавсумни Туркия Суперлигасида "Галатасарой"дан кейин 2-ўринда якунлади. "Фенербахче" чорак финал босқичида "Галатасарой" томонидан Туркия кубогидан чиқариб юборилди. Европа лигасида португалиялик мутахассис жамоаси 1/8 финалга чиқди.
