"Манчестер Юнайтед" "Вулверхэмптон" ҳужумчиси Матеус Куньянинг трансфери борасида келишиб олгани ҳақида миш-мишлар тарқалмоқда. Бу ҳақда "қизил иблислар" бош мураббийи Рубен Аморимдан сўрашди.
"Кутишингизга тўғри келади. Менда янгилик йўқ. Кўрамиз. Баъзи ўзгаришлар бўлади" - деди Аморим журналистларга.
2024/2025 йилги мавсумда Кунья 36 ўйин ўтказиб, 17 гол ва 6 голга ассистентлик қилган. Аввалроқ "Манчестер Юнайтед" 26 ёшли Кунья учун 62,5 миллион фунт (тахминан 75 миллион евро) тўлаши хабар қилинганди. Бу бразилияликнинг шартномасида сотиб олиш варианти сифатида кўрсатилган миқдор.
