Шанба куни "ПСЖ" ва "Интер" Чемпионлар лигаси финалида ўзаро тўқнаш келишади. Парижликлар Мюнхендаги ўйиннинг номинал мезбонлари бўлишади, шунинг учун улар майдонга одатдагидек тўқ кўк либосда чиқишади. "Интер" меҳмон жамоа сифатида бошқа либос танлаши керак эди.
"Интер" Чемпионлар лигаси финалида учинчи либосда - сариқ ва олтин рангда ўйнашини аллақачон маълум қилганди. Миланликлар иккинчи оқ либосни танлаши мумкин эди, аммо улар бошқача қарор қабул қилишди. "Интер"нинг танлови ирим билан боғлиқ бўлиши мумкин. "Интер" ушбу Чемпионлар лигасида икки марта сариқ ва олтин рангда ўйнади ва "Спарта" ва "Фейеноорд"ни мағлуб этди. Аммо "Интер" бу Чемпионлар лигасидаги ягона мағлубиятини "Байер"дан оқ либосда қабул қилиб олганди.
