Бугун «Реал» ва «Малага» клублари раҳбарлари ўртасида учрашув бўлиб ўтади. Бу ҳақда «Marca» нашри хабар тарқатди.
Манбанинг маълум қилишича, мазкур учрашувда Исконинг «Қироллик клуби»га ўтиши борасида музокаралар олиб борилади. Томонлар бугун трансферни келишиб олишлари кутилмоқда.
Эслатиб ўтамиз, 21 ёшли футболчининг хизматлари билан мадридликлардан ташқари «Манчестер Сити» клуби ҳам жиддий қизиқмоқда. «Малага» Искони 35 миллион евродан камига сотмаслигини маълум қилган.