"РБ Лейпциг" ҳужумчиси Беньямин Шешко яқин трансферлар даврида клубини ўзгартиришга умид қилмоқда.
21 ёшли футболчига "РБ Лейпциг" билан музокаралар олиб бораётган Лондоннинг "Арсенал" клуби даъвогарлик қилмоқда. Журналист Экрем Конурнинг сўзларига кўра, словенияликнинг ўзи "тўпчилар" сафига ўтишни хоҳлайди. Муаммо ўша-ўша - 80 миллион евролик нарх, эҳтимол, инглиз гранди уни жуда катта деб ҳисоблайди.
Беньямин Шешко ўтган мавсумда "қизил буқалар" сафида 46 та ўйинда 21 та гол урди, шунингдек, ёш ҳужумчи ҳисобида олтита ассист мавжуд. Футболчига даъвогарлар орасида "Манчестер Юнайтед" ва "Челси" ҳам бор эди.













