Миланнинг "Интер" клуби ҳужумчиси Лаутаро Мартинес навбатдаги финалда майдонга тушади. Шанба куни "нерадзуррилар" "ПСЖ" билан Чемпионлар Лигаси кубоги учун баҳс олиб боради.
Аввалроқ, Лаутаро Чемпионлар Лигаси финалида иштирок этганди - бу икки йил олдин бўлган ва ўшанда "Интер" "Манчестер Сити"га ютқазганди. Аввалроқ, 2022 йилда ҳужумчи Аргентина терма жамоасига жаҳон чемпионатининг ҳал қилувчи ўйинида франциялик рақибларини мағлуб этишга ёрдам берганди.
"Чемпионлар Лигаси финали жаҳон чемпионати финалидан нимаси билан фарқ қилади? Мен "Интер" сардориман, шунинг учун бу ерда зиммамда янада кўпроқ масъулият бор. Мен ҳар доим айтаманки, ҳар бир ўйин - бу финал, аммо бу ҳолатда гап ҳақиқий финал ҳақида кетмоқда, ахир ўртада соврин бор. Биз фақат ижобий фикрлаймиз," - деди Мартинес матбуот анжуманида.
