"Фулхэм" бош мураббийи Марку Силва "Ювентус" бошқарувига номзодлар қаторидан жой олди.
Турин клуби шартномаси автоматик равишда 2026 йилгача узайтирилган, аммо "кекса сеньора" раҳбарияти бошқа мураббийни афзал кўрса, бир томонлама бекор қилиниши мумкин бўлган Игор Тудорнинг келажаги бўйича ҳали бир қарорга келмаган. Журналист Жанлука ди Марционинг маълум қилишича, "Ювентус" Премьер-лига ўтган мавсумида "Фулхэм" билан 11-ўринни эгаллаган Марку Силва номзодини кўриб чиқмоқда.
Марку Силвага "Тоттенхэм" ва Саудия Арабистони чемпионати вакиллари ҳам қизиқиш билдирмоқда. Португалияликнинг лондонликлар билан амалдаги келишуви 2026 йилда ўз ниҳоясига етади.













