Жан Пьеро Гасперини фаолиятини Италия пойтахтида давом эттиришни маъқул кўриб, “Ювентус”ни бошқаришдан бош тортди.
La Gazette dello Sport хабарига кўра, "Аталанта"дан кетишини эълон қилган 66 ёшли мутахассис "бьянконери"нинг бўлажак бош директори Дамен Комолли билан учрашувдан сўнг якуний жавоб берди.
Туринликларнинг қизиқишига қарамай, «Ювентус» Гасперинини лойиҳанинг жозибадорлигига ишонтира олмади.
Манбаларнинг таъкидлашича, музокаралар ташаббускори клубни қайта қуришда фаол иштирок этаётган Жоржио Кьеллини бўлган, бироқ унинг ваколати ҳам бу трансферни амалга оширишга ёрдам бермади.
