Матбуот анжуманининг иккинчи қисмида “Бунёдкор” клуби катта мураббийи Мурод Отажонов иштирок этди.

— Саралаш ўйинларидан кейин бунақа ўйинларни ўтказиш одатда оғир бўлади. Бугун стадионга кам мухлис ташриф буюрди. Саралаш ўйинларида уларнинг юрагида оғриқ қолди. Лекин ҳаёт давом этади. Танаффус пайтида тоғда шуғулланиб, футболчиларнинг функционал тайёргарлигини маромига келтириш эди. Ушбу вақт давомида тўғри иш олиб борганимиз натижасида, бугун ўйин ҳам, натижа ҳам чиройли бўлди. Ўйин бошида рақиб бизни хавотирга солди. Меҳмонлар дарвозамиз томон 3та зарба йўллади, улардан бири дарвоза тўсинига тегди. Агар ўша вазиятда гол бўлганида, ўйиннинг бориши ўзгариб кетиши ҳам мумкин эди.

— Бугун Олег Зотеев ўнг қанотда ўйнади. Ушбу қанотда ўйнаши керак бўлган Алибобо Раҳматуллаевнинг ўйинида пасайиш кузатиляптими?
— Бундан мақсад, футболчилар ўртасида рақобат борлигини кўрсатиб қўйиш эди. Футболчи бир жойда тўхтаб қолиши керак эмас. Ундан ташқари, бу нарса Блажичга тегишли.

— Акмал Шораҳмедов бугун майдонга тушмади...
— Унга дам беришга қарор қилдик.