"Манчестер Юнайтед" вингери Алехандро Гарначо ўзини "Челси"да синаб кўрмоқчи.
The Athletic нашри хабарига кўра, "МЮ" бош мураббийи Рубен Аморим Европа лигаси финалидаги мағлубиятдан сўнг Гарначога очиқ эшикни кўрсатган.
Аморимнинг бу ҳаракати ажабланарли эмас, чунки сўнгги пайтларда футболчи ва мураббий ўртасидаги муносабатлар кескинлашган.
Гарначонинг ҳолати "Наполи"нинг эътиборини тортди, улар январда Алехандрони сотиб олмоқчи эди, аммо 20 ёшли аргентиналик ўз агентига "Челси"га ўтишни ташкил қилишни буюрди.
"Алехандро Премьер-лигани дунёдаги энг яхшиси деб билади ва "Манчестер Юнайтед"да яхши дамларни ўтказган бўлса-да, у ўзини глобал юлдуз сифатида кўрсатишни хоҳлайди.
Англия - бунинг учун энг яхши жой ва "Челси"да кўплаб яхши ўйинчилар бор", - дея манба сўзларидан иқтибос келтиради The Sun нашри.
