"Эспаньол" дарвозабони Жоан Гарсия "Барселона"га ўтиши мумкинлиги ҳақидаги саволга жавоб берди. Ишончли маълумотларга кўра, "кўк-анорранглилар" ўтган мавсумда ўзини ёрқин кўрсатган 24 ёшли дарвозабонни ўз сафига қўшиб олишга яқин турибди.

"Келажагим бўйича қарор? Бу нафақат менга, балки клубларга ҳам боғлиқ. Қандай қарор қабул қилишимдан қатъий назар, у қандай якунланишидан қатъий назар, мен танловим тўғри бўлганига 100 фоиз амин бўламан. Агар яна бир оз кутишим керак бўлса, шундай бўлсин, лекин мен тўғри иш қиляман", - деди Жоан Гарсия.

Жоан Гарсия сўнгги Ла Лигада "Эспаньл"нинг барча 38 учрашувида майдонга тушиб, 51 та гол ўтказиб юборган. Transfermarkt дарвозабоннинг нархини 20 миллион еврога баҳоламоқда.