Дин Хейсен Серхио Рамосни ўзининг энг катта кумири деб атади.
20 ёшли испаниялик ҳимоячи май ойида "Борнмут"дан "Реал"га ўтиб, 2030 йилгача шартнома имзолаган эди.
"Менинг энг катта кумирим - Серхио Рамос. Мен учун у жуда мукаммал, унда ҳамма нарса бор эди. Шунинг учун мен у каби бўлишга интиламан", - деди "Реал" ҳимоячиси.
"Қаймоқранглилар"нинг собиқ сардори Рамос айни пайтда Мексиканинг "Монтеррей" жамоасида тўп тепмоқда.













