"Барселона"нинг 17 ёшли вундеркиндларидан бири Ламин Ямал ҳужумчи Роберт Левандовски билан муносабатлари янги босқичга кўтарилганини тан олди.
Илгари улар ўртасида унчалик яқинлик йўқ эди, аммо вақт ўтиши билан ҳаммаси ўзгарди - энди футболчилар майдонда ҳам, унинг ташқарисида ҳам жуда яхши чиқишмоқда.
"Леви билан муносабатларимиз анча яхшиланди. Ахир, мен биринчи жамоага эндигина келганимда, ёш ўйинчи эдим ва биз бундай яқин мулоқот қилмаганмиз. Ҳозир ҳаммаси жуда яхши, биз кўпинча майдон ташқарисида бирга бўламиз," - дея Ямалнинг сўзларини келтиради Sport.es.
