Виктор Осимхен трансфери учун икки клуб кураш олиб бормоқда.
Sky Sport журналисти Патрик Бергер хабарига кўра, "Наполи" ҳужумчиси иккита расмий таклиф олган - "Галатасарой" ва "Ал-Ҳилол".
Форвард 2024/25 йилги мавсумда ижара асосида ўйнаган турк клуби неаполликларга футболчи учун 60-65 миллион евро таклиф қилишга тайёр. "Галатасарой" Осимхенга 4 йиллик шартнома асосида йилига рекорд даражадаги 15 миллион евро тўлашга тайёр.
Саудияликлар Викторга мавсумига "соф" 40 миллион евро маош билан шартнома таклиф қилишмоқда.
26 ёшли футболчи яқин кунларда келажаги борасида бир қарорга келиши кутилмоқда.
