Украина терма жамоаси ва Англиянинг "Борнмут" клуби ҳимоячиси Илья Забарний фаолиятини Франциянинг "ПСЖ" клубида давом эттиришга тайёр. Бу ҳақда RMC Sport журналистлари хабар бермоқда.
Манбага кўра, янги футболчи Париж клубининг лойиҳасига қизиқиб қолган. Забарний Франция чемпионининг спорт директори Луиш Кампуш билан дастлабки музокараларни ўтказди.
Эслатиб ўтамиз, Забарнийнинг "Борнмут" билан меҳнат шартномаси 2029 йилнинг ярмигача мўлжалланган. Transfermarkt портали экспертлари ҳимоячининг бозор нархини 40 миллион еврога баҳоламоқда.
Ўтган мавсумда Забарний АПЛда 36 та ўйин ўтказиб, 4 та сариқ карточка олди ва 1 марта майдондан четлатилди.
