Симоне Индзаги кетганидан кейин "Интер" бош мураббийи этиб тайинланиши билан фаол боғланган "Комо" бош мураббийи Сеск Фабрегас "Комо"даги ишига тўлиқ эътибор қаратишини ва клубнинг улкан лойиҳасига ишонишини таъкидлади.
"Интер" қизиқиш билдираётганига қарамай, "Комо" раҳбарияти испаниялик мураббийни қўйиб юбориш ниятида эмас. Клуб президенти Мирван Суварсо Фабрегас "клубни тарк этмаслигини" айтди.
"Мен "Комо" лойиҳасига жуда ишонаман. Мен бу ерга узоқ муддатли иш билан умид қилганим учун келдим. Лойиҳа бир ёки икки мавсум билан чегараланган клубда фаолиятимни якунлашни хоҳламадим.
Мен бу ерда ўйинчи сифатида иш бошлаганман ва энди ўзим хоҳлагандек ишлай олишимдан жуда хурсандман. Президент билан менинг мақсад ва амбицияларимиз бир. У менга қарашларимга мувофиқ ҳаракат қилиш эркинлигини беради. Яхшиямки, биз бир йўналишда ва бир мақсад сари интиламиз - имкон қадар кўпроқ эришиш учун.
Биз кичик шаҳарда, камтарона клубда бўлса-да, лекин келажакка жуда катта амбицияларга эга бўлган яхши жамоага айландик", - деди Фабрегас La Gazzetta dello Sport билан суҳбатда.
3 июнь куни Симоне Индзаги "Интер" бош мураббийи лавозимини тарк этаётгани маълум бўлди.
