"Барселона" ва Испания терма жамоасида ўйнаётган ярим ҳимоячи Педри "Олтин тўп" ҳақида гапирди.
22 ёшли футболчи нуфузли индивидуал совринга даъвогарлардан бири саналади.
"Аслида, индивидуал совринлар менга қизиқ эмас, лекин Родри "Олтин тўп"ни қўлга киритганидан кейин вазият бироз бошқачароқ. Илгари ярим ҳимоячилар деярли ҳисобга олинмасди. Хўш, нега мен ғалаба қозонмаслигим керак?", деди Педри.
Пайшанба куни Испания терма жамоаси Миллатлар лигаси ярим финалида Францияга қарши баҳс олиб боради.













