Нуфузли италиялик журналист Жанлука ди Марционинг хабар беришича, "Милан" Лука Йович билан хайрлашмоқчи.
Сербиялик ҳужумчи ўтган мавсумда бир нечта муҳим голлар урди, аммо барибир топ ҳужумчи мақомини қўлга кирита олмади. "Милан" раҳбарияти шартномани узайтириш имкониятига эга, келишув 30 июнда тугайди, аммо улар уни узайтиришмаганга ўхшайди.
Мексиканинг "Круз Азул" клуби Йовичнинг хизматларига қизиқмоқда, аммо Мексика сербиялик ҳужумчи учун жуда узоқ ва экзотик манзил бўлиб қоляпти. Келгуси кунлар унинг қарорини кўрсатади.













