"Интер" Кристиан Кивуни тайинлаш борасида принципиал келишувга эришди.
"Парма"ни 2025 йилдан буён бошқариб келаётган ва клубни А Серияда (16-ўрин) сақлаб келаётган 44 ёшли руминиялик мураббий миланликлар билан 2027 йилнинг ёзига қадар шартнома борасида келишиб олди.
Киву "Интер"да йилига 2 миллион евро ишлаб олади, дея хабар беради Николо Скира.
Кристиан 2007 йилдан 2014 йилгача "нерадзуррилар"да ўйнаган. Кейин эса клубнинг ёшлар ва ўсмирлар жамоаларига (2018-2024) устозлик қилган.
"Комо" Франческ Фабрегасни қўйиб юборишдан бош тортгач, "Интер" Кивуни мураббий қилиб тайинлашга қарор қилди.
Эслатиб ўтамиз, аввалроқ Симоне Индзаги Чемпионлар лигаси финалида "ПСЖ"дан учралган мағлубиятдан сўнг (0:5) "Интер" бош мураббийлигидан кетган ва Саудия Арабистонининг "Ал-Ҳилол" клубини бошқаради.
