Дидье Дешамнинг фикрича, Франция мағлубиятга учраганига қарамай, Испаниядан устун келди.

Испания Миллатлар лигаси ярим финалида Францияни 5:4 ҳисобида енгди.

"Менда ҳиссиётлар аралаш. Биринчи бўлим охирида 0:2 ҳисобида ютқазиш қийин бўлди, бизда жуда кўп имкониятлар бўлди.

1:5 ҳисобида мағлуб бўла туриб ҳам таслим бўлмадик. Ҳамма нарсадан воз кечиб бўлмайди. Бугун биз кўп яхши ишлар қилдик. Биз ўйинни Испанияга қараганда яхшироқ назорат қилдик.

Шерки? У жуда ижодкор, ажойиб голлар уради. Шунинг учун ҳам Раян майдонга тушади. Жамоамизда жуда кўп қизиқарли ҳужумкор ўйинчилар бор, лекин уларнинг ҳаммаси бир вақтда бирга ўйнай олмайди", деди Франция бош мураббийи.