Саудия Арабистонининг "Ан-Наср" жамоасида ўйнаётган испаниялик ҳимоячи Эмерик Ляпорт Англия Премьер-лигасига қайтиши мумкин.
Blue_Footy саҳифаси ёзишича, футболчининг хизматларига Лондоннинг "Челси" клуби қизиқмоқда. "Кўклар" раҳбарияти ёзги трансфер ойнасида Ляпортни қўлга киритишга ҳаракат қилади.
Эслатиб ўтамиз, ҳимоячи Яқин Шарққа кетишдан олдин Англияда "Манчестер Сити"да ўйнаган. Эмерикнинг "Ан-Наср" билан амалдаги шартномаси 2026 йилнинг июнь ойи охиригача амал қилади. Испаниялик футболчининг трансфер қиймати 15 миллион еврога баҳоланмоқда. Ўтган мавсумда "Челси" Премьер-лигани тўртинчи ўринда якунлади.













